謹姐下星期終於開學啦！
係呢個咁動盪嘅時候
的確有得返又驚 無得返又煩🤦🏻♀️
我都做好心理準備唔知返得幾多星期 又有機會叫停
加拿大今鋪叫比其他西方國家好架啦
聽聞德國唔比小朋友帶口罩返學
仲話發燒可考慮早退
咳同流鼻水都唔可以叫佢地返屋企
聽我朋友講到鞋鞋聲
加拿大Calgary我地學校就講明全日都要帶口罩
包括在課室同走廊
我想講好多鬼媽媽真係好反對
又話咁細個叫佢帶口罩
政府係咪癲左
又話good luck啦要個幾歲帶口罩
我見有留言話 自己個仔十歲都唔肯帶口罩入超市
都唔知點返學
我堅想留言
Educate your kids and look at Hong Kong kids !
大佬呀 無事無幹都唔會叫你帶
而家非常時期
點解都可以咁講？一句到尾佢地唔覺得口罩有用
細路唔識唔明咪教佢同佢解釋囉
點解係西人先唔帶到口罩？
我真係唔明！
唔好意思 d呀媽係呢d時候係火滾d
但容許我放兩下負
如果你小朋友係因為有病唔帶得口罩我明
咁無辦法 真係要留係屋企
但正常嘅話 你同佢講解釋佢聽
D細路唔係佢地諗到咁囉
睇下我地d香港小朋友由朝帶到晚都係咁
非常時期就唔好咁多野講啦
Anyway
好彩學校規定左一定要帶
唔係我地都唔知敢唔敢比佢返
升一年級始終都是開心事
希望謹姐係風雨下成為小一生
能夠開開心心開始佢正式嘅加拿大小學雞旅程❤️
Search